Het oudt Huysken van Bethleem
(1590)–Hendrik de Coster–
Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus
Op die vvijse, Fortuyne vvilt keeren en vallet my niet so suerIck wil my gaen vermeyden
In Iesus lijden groot
Van daer en wil ick niet scheyden
Int leuen [noch] in die doot
Het is een prieel met bloemen
Bedaut met soo [menighen] traen
Och mocht ick [daer in comen]
Mijn trueren waer [al gedaen]
Men hoorden [den nachtegael] singhen
Al onder den scherpen [doren]
Sijn herteken was vol [van minnen]
| |
[pagina 160]
| |
Diet belieft die macht gaen hooren
Een liet heeft hy gheheuen
Al aen den cruycen groen
O vader willet hen vergheuen
Sy en weten niet wat sy doen
Die scheker badt om vreden
En hy mach wel hebben prijs
Den nachtegael sanck, ghy sult noch heden
Wesen by my int Paradijs,
Vrouwe siet daer is dijn sone
Ioannes die Moeder dijn
Ick hebse v beuolen
Wilt haer behoeder sijn.
Hy riep wel alsoo hooghe
Mijn Godt waerom so laet ghy my
Sijn herteken en dat wert drooghe
Te drincken begheerden hy
Men schanck hem daer te drincken
Den edick ghemingt met galle
Sijn hoofdeken dat liet hy sincken
En hy sprack tis nv veruult alle
O Vader in uwen handen
Beuele ick mijnen Gheest
Ghy weet mijn herte branden
Tot v Vader aldermeest
Hy liet die violette
Al onder des Cruycen boom staen
Die hem te Nazarette
Soo ootmoedelijck hadde ontfaen.
Hy liet des open roose wesen
Aenden cruyce hanghen bloot
Sijn bladerkens sijn neder gheresen
Die nachtegael bleef daer van minnen doot
Niet doot ghebleuen door desen.
| |
[pagina 161]
| |
Dien edelen nachtegael fijn
Den derden dach is hy verresen
Iesus is den name sijn.
|
|