Het oudt Huysken van Bethleem
(1590)–Hendrik de Coster–
Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus
Op die wijse: O Radt van auonrueren.Vvat vol swaerder sonden
Waer sal ick henen gaen.
Mijn misdaet is quaet om gronden
Dat ick al hebbe misdaen
Veel regaels heb ick ghesopen
Mijnen buyck is vol fenijn
Den tijt is my ontslopen
Maer ick roep eens om hop
| |
[pagina 152]
| |
Soete Iesu ontfermt v mijns.
Ick ben een drooghe corste
Een schaepken van deuchden bloot
Ick slaen al voor mijn borste
Met vast betrouwen groot
Ick bidde v lieue Heere
Wilt my nv ghenadich sijn
Op dat ick nemmermeere
En come in svyants verseere
O Iesu ontfermt v mijn.
O Iesu van Nazareene
Mijn sonden sijn sonder ghetal,
Dies ick met ooghen weene
Ick en weet waer ick varen sal
Ick bid v om ghenade
Om een luttel termijns
Op dat ick mach mijn schade
Verhalen al come ick te spade
O Iesu ontfermt v mijns.
Ghy hebt doch willen steruen
Voor ons die bitter doot
En hebt voor ons willen verweruen
Die eewighe blijschap groot
Die Adam hadde verloren
Dies lijde ick veel ghepeyns
En roepe noch als te vooren
Heer Iesu wilt my aenhooren
O Iesu ontfermt v mijns.
Ick bid v met knien ghebooghen
Iesu diet al beschermt
Wilt my doch nemen in d’ooghe
Als den moordenaer, my ontfermt
Doen ghy daer hebt ghehanghen
Al voor die helsche vileyns
| |
[pagina 153]
| |
Dies roep ick met verlanghen
Met traenkens ouer mijn wanghen
Heere Iesu ontfermt v mijns.
O menschen allegader
Die in Godts kerstenheyt sijt
Bidt Godt den hemelschen vader
Dat ick doch worde verblijt
Dat hy my wil beschermen
Al voor dat helsche ghecrijs
Dus wil ick noch eens kermen
En roepen met openen ermen
Soete Iesu ontfermt v mijns.
|
|