Het oudt Huysken van Bethleem
(1590)–Hendrik de Coster–
Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus
Een liedeken vanden herderkens.Segt ons, segt ons ghy herderkens wat hebdy al ghesien?
Te Bethleem oyt tvelt verwachtende wat saechder aldaer gheschien?
Daer ghy v schaepkens wachte willet ons bedien
Die claerheyt als den dach die quam op eenen nacht,
Ons omvint een hemelsche claerheyt,
Godts Enghel heeft ons goy tijdinghe bracht
Segghende en vreest niet en maeckt geen swaerhz
Loff Conditor al,me syderum,
Et eterna lux credentium,
Segt ons, segt ons, &c.
Een vrolijcke blijschap brenghen wy,
Dat ons in Bethleem gheboren is
Een salichmaker des volcx, en dat singhen wy,
Van eender Maghet die wtuercoren is,
| |
[pagina 20]
| |
Loff conditor alme syderum, etc.
Nae Bethleem gaende so die Engel ons geboot
So vonden wy een huysken daer veel aen gebrac,
Daer noch deure noch venster te dege aen en sloot,
Den muer was ghetuynt, van riet was het dack,
Loff conditor alme syderum, etc.
Int huysken zijnde, doen worden sy verblijt,
Mariam siende en Ioseph daer by,
En dat soete Kindekijn ghebenedijt,
Dwelc Godt ende mensche was, dat geloouen wy,
Loff Conditor alme syderum, etc.
Noyt moeder en had haer Kindekijn soo lief
t’Sweert des rouwe doorsneet tis wonder,
Als dat minlijck Iesuken door ongherief
Int cribbeken ligghende besonder
Loff conditor alme etc.
Het cribbeken was hert het Kindeken was teer
Het weer was cout, het vier was ongestockt,
Men sach daer een paer volcx, en and’s niemant meer
Den heirt was cout, daer en was nz veel gecockt.
Loff Conditor alme etc.
Maria was droncwijf, en was oock Cristus Moeder
Maria was oock die voester soo wie datter nae vraecht,
Dat Kindekijn was haer vader, haer soon en ooc haer broeder,
Twas Godt ende mensch, en sy was moed ende maecht
Loff Conditor alme etc.
Loff, prijs en eer soo willen wy v bien
Loff Iesus, Maria Moeder ende Maecht,
Met geuouwen handen, en met gheboochde knien
Sijt ons doch ionstich als den Herderkens onversaecht,
| |
[pagina 21]
| |
Het quamen dry Coningen wt verre landen,
Nv wieghen, nv wieghen wy.
Om Gode te doen een offerande,
Des waren sy vroen
Alle mijnen troost, mijn toeuerlaet is Maria soen.
Sy quamen van Ooste, sy quamen van verre
Nv wieghen, nv wieghen wy
Al bijt verlichten van eender sterre,
Des waren sy vroen
Alle mijnen troost, mijn toeuerlaet is Maria soen.
Maer doen sy binnen Ierusalem quamen
Nv wieghen, nv wieghen wy,
Die claerheyt der sterre sy niet en vernamen
Des waren sy vroen,
Alle mijnen troost etc.
Doen sy ouer tafel waren geseten
Nv wieghen, nv wieghen wy
Doen quam daer Godts Enghel al in secreten
Des waren sy vroen
Alle mijnen troost etc.
Ghy Heeren ghy en moghet niet langer beyden
Nv wieghen, nv wieghen wy,
Herodes die doet sijn peert bereydem
Des waren sy vroen
Alle mijnen troost etc.
Wel op ghy Heeren laet staen v eten,
Nv wieghen, nv wieghen wy,
Herodes is op sijn peert gheseten
Des waren sy vroen
Alle mijnen troost etc.
Doen sy buyten Ierusalem quamen,
Nv wieghen, nv wieghen wy,
Die claerheyt der sterren sy weder vernamen
| |
[pagina 22]
| |
Bly waren zy doen,
Alle mijnen troost, mijn toeuerlaet is Maria soen.
Sy volchden die sterre in corter stonden,
Nv wieghen, nv wieghen wy,
Tot Bethleem daer sy dat kindekijn vonden,
Blij waren sy doen,
Alle minnen troost &c.
Den eenen ginck voor den anderen staen
Nv wieghen, nv wieghen wy,
Om dat hy ierst ten offer sou gaen,
Des waren sy vroen. Alle mynen troost &c.
Sy vielen daer tsamen al opder eerden
Nv wieghen, nv wieghen wy,
Sy loofden den Coninck van grooter weerden
Des waren zy vroen Alle lijnen troost &c.
Sy offerden daer myrre wieroock ende gout,
Nv wieghen, nv wieghen wy,
Sy loofden dat Kindekijn menihfout,
Des waren sy vroen Alle mijnen troost etc.
Ontwaect nv Israel doet op v ooren
Wilt hooren, naerder Propheten stem,
Die ons langen tijt was belooft te vooren,
Die is nv gheboren in Bethleem,
Soo ons die scriftuere tuycht van hem,
Soo sal hy wesen ons middelaer
Wilt vreuchde bedrijuen mannen ende wijuen,
Al in dat soete nieuwe iaer.
Een sterre wt Iacob is op geresen,
Soo ons Balam heeft ghepropheteert,
Abrahams belofte is gheschiet door desen,
Ons salichmaker is ghedescendeert,
Den dach die Simeon heeft begheert,
Die is nv ghecomen noyt blijder maer,
| |
[pagina 23]
| |
Wilt vreuchde rapen, Ghy Christen schapen,
Al in dat soete nieuwe iaer.
Den bant van Adam is nv ghebroken,
Vrede wort vercondicht ouer al aertrijck,
Daer ons Ioannes af heeft ghesproken,
Is nv ghecomen tot allen opelijck
Wt liefde gheworden mensche ons ghelijck,
Om ons te verlossen alle gaer,
Wilt hem aencleuen,
Om zijn woort te beleuen,
Al in dat soete nieuwe iaer.
Ierusalem wilt verblijden,
Ghy dochter van Syon laet droefheyt staen,
Ons salichmaker is nv in tijden,
Gheboren naeder schriftueren vermaen,
Die herderkens hebben die bootschap ontfaen,
Dat licht schijnt in die werelt claer,
Willet hem aenbeden,
Met vrolycheden,
Al in dat soete nieuwe iaer.
Ghy heydenen wilt nv ontwaken,
Want dat woort is vleesch geworden recht voort
Ende wilt den ouden Adam versaken,
Want dat woort is Godt, ende Godt is dat woort,
Door hem gheheel comt ons confoort,
Door niemant anders alsoo voorwaer,
Wilt hem aencleuen,
Om zijn woort te beleuen,
Al in dat soete nieuwe iaer.
Prince der Acoleyen dat is v gheschoncken,
Al van die broeders liefde is tfundament,
Nv laet Gods woort in v herte voncken,
dWelck vanden Vader is neder ghesent,
Ghecomen wt der hemelen tent,
| |
[pagina 24]
| |
Om ons te verlossen alle gaer
Dus wilt hem louen,
Die daer comt van bouen
Al in dat soete nieuwe iaer.
|
|