Het oudt Huysken van Bethleem (1590)

Het oudt Huysken van Bethleem

(1590)–Hendrik de Coster– rechtenstatus

Auteursrechtvrij

met vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus

Vorige Volgende


[Doen ghy Iesus gheboren waert]
Op de wijse. Tis huyden een dach van vro. Doen ghy Iesus gheboren waert Tot Bethleen inder stede Doen rees daer op al metter vaert Een schoon terre, waer mede Drie Coninghen worden ghewaer Dat die Sterre scheen alzo claer. Sy seyden oock ghelijcke Den Ioden is een Coninck gheboren Ons bidden en is niet al verloren Wie soecken hem in d’Iootsche rijcke. Die Coninghen scheyden doen van daer Sy en wouden niet langher beyden Die Sterre scheen voor hen soo claer Sy woude hen rechte leyden, Dan den dachlichtense vat, Sy hielden altijdt den rechten padt Haren ganck was bijder eerden Haer weghen waren also menichfout, Onse Godt hadde die Sterre ghebout Want sy was van grooter weerden. Tot Ierusalem doen zy quamen Die Sterre bleef verloren Sy begosten raet te ramen Waer dat Kint was gheboren Een teecken hebben wy ghesien Een Sterre vol bedien Alsoo verre in Oostenrijcke Het en can ons niet ontgaen Wy willen hem bidden aen
[pagina 4]
Wy drie oock alle ghelijcke. Doen Herodes dat vernam Sijnen ancxt en was niet cleyne Hy wert in sijnen sin zeer gram Ende alle die Stadt ghemeyne Hy liet halen die outste Meesteren Ende daer toe die wijse Priesteren Die waren wtuercoren. Ghy Heeren een dinck heb ick ghehoort Segt wt der schriften woort Waer is dit kint gheboren. Sy seyden alle dat is waer Te Bethleem ist gheboren Dat sprack een Propheet claer So menich jaer te voren. Doen Herodes hadde vernomen Die drie Coninghen liet hy voor hem comen Hy vraechde hen heymelijcke Ghy Heeren hoe sal ick dat verstaen Waer saecht ghy die Sterre opgaen In uwen Coninckrijcke. Die Heeren dachten daer gheen quaet Sy dedent hem openbaren Herodes sprack ick gheue v raedt Te Bethleem sult ghy varen Dat Kint suldy vinden daer Dat seg ick al int openbaer Dat heb ick soo vernomen Als ghy weet waer dat is Segghet my dan weder ghewis Als Edelen ende vromen Sy seyden wy willen henen gaen Ende doen hem groote eere Dat Kin willen wy bidden aen
[pagina 5]
Voor des Lants rechten Heere. Die Coninghen scheyden van daer Die Sterre sheen voor hen soo claer Ende die Sterre woudese rechte leyde Die sterre scheen voor hen seer saen Tot dat sy op t’hoochste bleef staen Daer Marta ende Ioseph waren beyde. Sy treden in dat huys al te same Met hun offerhande ghemeen Sy vonden dat Kindt van grooter fame Met Maria ende Ioseph by een Ende sy vielen op haer knien seer bly Sy baden aen dat Kindeken alle dry Met vreuchdelijcke sinnen Sy deden op haer schatten toegheuout Sy offerden myrre, wieroock, ende gout Met alsoo hertelijcke minnen Des nachts ontrent der middernacht Heeft hun den Enghel gheopenbaert Niet te keeren naer Ierusalem gheacht Noch te gaen te Herodes waert. De reyse heeft hun alsoo wel ghepast Dat zy waren van Herodes ontlast Sy quamen tot hun verstande Sy waren doen alsoo wel ghemoet Sy cosen een ander wech zeer goet Naer haren Coninck Lande. Amen. Laet ons met herten reyne Louen dat soete Kindeken cleyne Het brengt ons wter weyne. Ons is een Kindt gheboren Een Sone ghepresenteert Hy comt die Helle verstooren Als Mensche ghefigureert
[pagina 6]
Hy wil ons alle ghemeyne Verlossen wter pijne Met sijnen bloede alleyne. Laet ons met herten reyne. &c. Des moghen wy wel eeren Die Maghet die hem droech Den grooten Heere der Heeren Die haer niet en verwoech. Weest vrolijck groot en cleyne, Die soete Kindekijn Vrijt ons van alder pijne. Laet ons met herten reyne. &c. Godt in zijn neghen Chooren Sprack zijnen Enghel an Wy willen die Helle verstooren Ende verlossen Wijf ende Man. Gaet tot schoonder Fonteyne Maria claer van aenschijne Ende segt haer wat ick meyne Laet ons met herten reyne. &c. Groetse my vriendelijcke Die schoone suyuer jeucht Ende segt haer blijdelijcke Sy mach wel zijn verheucht Want zy ende anders gheene Die sal Gods Moeder sijn Ick ben met haer ghemeene. Laet ons met herten reyne. &c. Al binnen Nazarette Quam die Enghel Gabriel Ende sprack totter fiolette Met schoone woorden snel Godt gruet v Maghet reyne Vol gratien is v aenschijn
[pagina 7]
Godt is met v ghemeyne Laet ons met herten reyne. etc. By v sal noch beclijuen Dat Adam heeft ontvrijt Want bouen alle Wijuen So zijdy ghebenedijt, Ghy sult ontfaen een greyne In uwer herten schrijne Des Vaders Soon alleyne Laet ons met herten reyne. etc. Sy sprack ootmoedelijcke Hoe soude dat comen by Ick en kende sekerlijcke Noyt Man, dus verwondert my Dat ick, en anders gheene Gods Moeder soude zijn Mijn hert wert cout als steene Laet ons met herten reyne. etc. Die Enghel sprack tot hare O weerde suyuer Maecht En weest in gheenen vare Het is wonder dat ghy claecht Want ghy sult sonder pijn Baren een Kindekijn Ende blijuen Maghet reyned. Laet ons, etc. Die Maecht haer conforteerde In dat hy haer heeft gheseyt Ende zy respondeerde Ick ben daer toe bereyt In uwen woorden alleyne Sette ick den wille mijne Siet hier Gods deerne cleyne. Laet ons. Ghelooft so moet zy wesen Nu ende tot alder tijdt
[pagina 8]
By haer sijn wy ghenesen Sy bracht ons groot jolijt O weerdighe Fonteyne Des sondaers Medecijne Bidt voor ons alle ghemeyne. Laet ons.

Vorige Volgende

Over dit hoofdstuk/artikel

lied

Naar de Nederlandse Liederenbank
Naar de Nederlandse Liederenbank