Schole der deughden
(1630)–D.V. Coornhert–
AuteursrechtvrijB.Het middel daer door de Heere Christus verclaert dat Godt den sijnen treckt tot hem, is van Gode gheleert te worden. | |
A.Soo ist. | |
B.Dat stelt de Heere in twee deelen, namentlijc hooren ende leeren van Godt. | |
A.Soo ist. | |
B.De mensch mach Godt niet hooren ten zy dan dat Godt in hem spreecke. | |
A.Neen. | |
B.Soo mach oock de mensche van Gode niet leeren, ten zy dan dat Godt hem onder-wijse. | |
A.Dat is soo. | |
B.Hier doen dan beyde wat, Godt ende de mensche. | |
A.Recht. | |
B.Godts werck is hier spreecken ende onderwijsen: maer des menschen werck is hooren ende leeren. | |
A.'Tis. | |
B.Machmen hier niet stadelijck verwerren? | |
A.Waer inne? | |
B.Alsmen des menschen werck Gode, of Gode des werck den mensche onbescheydelijck toeschreef? | |
A.Te recht schaedelijck, want de mensche en mach van self gheen woort Godes tot sich self spreecken, noch Godt en mach sijn woort van den mensch niet hooren noch vande mensch yet leeren. | |
B.Ghy seght wel maer naedien wy hier spreecken van't leeren, Godt selve in den mensche, het zy dan door of sonder middel, soo moeten wy hier mercken datter een innerlijcke leeringhe is, daer toe oock een innerlijck ghehoor behoeft: want ten waren al gheen doven of hooreloose menschen nae den lichaeme, daer af de Heere soo dickmael seydt wie ooren heeft om te hooren die hoore. | |
A.Dat weder-spreeck ick niet, maer wat betekent dat woort hooren hier. | |
B.Inde H. Schrift beteeckent somtijtsGa naar voetnoota verstaen somtijts verhooren, Ga naar voetnootb by wijlen gehoorsaem, Ga naar voetnootc oock wel ghelooven, Ga naar voetnootd item Ga naar voetnooteop-mercken ende mede al te met toe-luysteren, Ga naar voetnootf maer hier soude ic wel vast staen willen voor toe-luysteren ende verstaen 'tgunt gheseydt wordt. |