Cirurgia of Hantgewerck int lichame der menschen

96. Wat salmen doen als dien ellenboge is vuijt haer stede, ende hoe gaet sij vuyter steden?

Maer in twee manieren, dats achterwaert ende voirwaert. Ende bij eenigen tot allen sijden. Ende is die ontsettinge zeer swert ende vele swertere dan eenige vanden anderen ende dies gelijke die wederleijdeinge³, dat is om die grootehede vanden bande houdende, ende die curtuositeijt ende holheijt van diuersheden, ende bij den toedoene vanden rostralen, dats des achterste(n) focille. Ende in dese brekinge oft ontsettinge ende dies gelijke, so suldij

3 Na wederleijdinge staat in het Hs. ende.

[p. 67]

doen in allen junctueren der ermen, handen, vingeren, knijen, voeten ende teenen, ende bewerent ommere van eenige quade toeuallen.

Ghij sult weten als een been gebroken, wat¹ gecnaget is, ende een let dat vuyter (stede) was, te pointe geset is ende versekert van apostomen, dat ghij dan die leden moet smeren met dialtea oft met andere saluen desgelijcx, om die leden oft om die senuwen te sterkene, alsoo dat ghij siet dat van doene is.

Dat hier geseet is, dat is alsoo wel vanden voeten, teenen, vingere ende hant. Godt wil ons beschermen van quaden toeuallen nu ende tot alle tijt amen.

Et sic est finis deo gratias.

1 wat : het Hs. heeft was.