85. Wat suldij doen als eenich let gebroken is met wonden int vlees of vuijter steden ?
Maer is dan daer eenige wonde, ic legge dan in die wonden medicijnen die corruptie beweren, dat sijn doijere van eijeren ende olie rosarum gemenct te samen. Ende ic smere die wonden deffencijf van bolus voirseit tot die wonde wel ettert ende versekert is van apostomen. Ende ic en rechte dat gebroken let nijet weder in de ledene, voir den .v.en dage inden somer, ende ten .vij.en dage inden winter, want dan ist schuldich te makene etter ende versekert te sijne van apostomen. Ende dan soe wijdic dat let tot sijnder stede ende spalket latende totten termijne van ontbindene. Ende als die wonde wel is op haer drachte, ende ic versekert ben van apostomen, soo leg ic in die wonden carpije ende daer op een mondificatijf factum van mel rosarum ende gersten bloemen voirseit, ende daer na een consolidatijff, ende ic heelse alsoo.
Auteursrechtelijk beschermd