Cirurgia of Hantgewerck int lichame der menschen

84. Wildij rechte voort een gebroken been rechten ?

(p. 118)

Ja ic, ende mach icx gedoen ten belette mij ijet soo seere alst geswollen is eer dattet ettert ende seere sweert. Anders soo salment setten oft stellen, soo men eerst ende schonst mach rechtende walkende te doen treckene alsoo behoeft naden leden, nijet meer oft min, alsoo ic gesien.

Ende alsoo plaester ende dan soo spalc² ickt wel ende bindet te geuoege, nijet soo slap dat die broke beroeren mach, ende nijet soo vaste dat sij te veel weedoms in brengget ende vreese. Ende ommer op die rechte broke alre vast, dan wat achterwaert, ende dat let eerst wel gesaluet met wermer olien van roosen ende een dun lijwaet daer in genet, ende daer toe gemenget twitte vanden eije, ende dat

2 spalc : het Hs. heeft spalct.

[p. 61]

wel cort geslegen. Ende dan gebonden ende wel gespalct ende saechte geleet.

Maer sijn daer wonden, soo sal ict binden alsoo gescreuen staet int capittel der brekingen alsoo dat die wonde blijft ontdect vander spalken ende binden, of gaten daer in gesneden, soo dat men alle dage die wonden vermaken mach. Ende sijn daer eenige toeuallen, soo saecht ic wel die toeual eer ic dat let weder legge oft bewinde¹, soo ons IJpocras leert, dats .viij. dage inden winter ende .v. dagen inden somer.

1 bewinde : het Hs. heeft beuinde.