Cirurgia of Hantgewerck int lichame der menschen

Hier beginnen die brekinge ende ontsettinge.

81. Wat salmen doen als eenich mensche heeft gebroken een let aenden lijue ?

Int eersten salmen merken soo wat brooken dat is. Als Galienus seet, het sijn vele broken int generael. Maer int merken oft is effen gebroken sonder eenige sticken daer aff gebroken, oft dattet gebriselt is met vele stucken oft met eenige stucken daer af, ende of is gebroke(n) lancx oft dweers, oft dattet wort ontween gesneden² als met snijdinge, ende daer twee beenre sijn te samen of sij beijde breken, oft vuijtewaert, oft met wonden oft sonder wonden, of met eenigen prekelinge int vlees, oft met sweeringe, oft met apostemien oft daer sonder. Ende of die persoonen sijn jonck oft out oft heet oft cout oft vet oft mager oft sterc oft cranc oft hert oft morwe.

2 gesneden : het Hs. heeft gesenden.