44. Waer aen salmen kennen die medicijnen oft een plaester op een wonde geleet, oft goet is ende behoulic, oft contrarie, te heet, te cout, te drooge, te nat is ?
Ic segge als die heelende medicine is te drooge totter wonden oft te seer (p. 110) vocht, soo en wint sij gheen vlees, ende is die wonde te drooge haer te suyueren, ende die lippen cleen ende dunne, soo heelt die wonde dagelicx met subtijlen dunnen ettere, rootachtich oft geeluachtich; off is sij te heet, soo wort die stede omtrent root oft sij sweert, ende dat etter wordt menich voudich, ende (is) die medicine een luttel drogende of te cout of te wac, soo wordt dat groot, swaer ende oneffen, ende bleeck als water verwe, ende die stede wort moru, bleec ende dat let wordt coudt, ende die siecke geuoelt coude daer in, ende hem helpt wel wermenisse.
Auteursrechtelijk beschermd