Cirurgia of Hantgewerck int lichame der menschen

43. Maer als de wonde seer swert ende seer root is ende daer mede is geswollen ?

Soo doen ic alst voirseit is int tnaeste¹ capittel (s) onder een. Ende als dat is gedaen, soo leg ic bouen al-

1 tnaeste : staat boven het doorstreepte woord tquaetste; bedoeld is : het voorgaande, op één na (sonder een), d.i. vraag 41.

[p. 46]

len somtijt, alst noot is, een plaester van maluwen, dat sijn pappelen, ende van anderen dingen als Lancfranke seet, ende ic doen den patient laten ter contrarien sijden, is hij vol van bloede ende jonck, ende ic doe hem wachten van wijne te drinken ende ic doe hem eten kerne melck gesoden, ende suere appelen gebraden, ende sulc dinck, ende cleene bierken doe ic hem drinken.