Cirurgia of Hantgewerck int lichame der menschen

34. Hoe vele manieren van spasme sijnre ?

(p. 108)

Ic segge datter sijn drije manieren, die eene heet omprostonos, die ander heet emperistonos ende die .iij.^e heet thetanos. In omprostonos soo strecken² die senuwen dat hoouet voirwaert totter borst, ende die mont luijct hem toe, ende die vingeren luijken hem in die hant, soo dat mense niet ontdoen en can noch en mach. In empristonus soo ist contrarie, want dat hoouet voeget hem achterwaert totten rugge ende in tethanus³ soo trect van beeden sijden euen vele, soo dat lichame oft dat let stede staet ende dat soo en mach niet buegen.

2 strecken : het Hs. heeft strect.

3 tethanus : het Hs. heeft cothanus.