Cirurgia of Hantgewerck int lichame der menschen

30. Wat suldij doen tot wonden van frutsuringe² met plomper dinc dat nijet en snijt als stoc, steen, peerts voet, oft dat vlees ontween te vallen, ende zenuwen, aderen ende vlees te perssen ende dat onderwijlen sonder wonde ende die³ van buijten ?

(p. 107)

Ic moet dat op snijden, want als die stercke natuer daer niet en mach verwinnen, soo soudense corrumperen ende meest in vollen lichame, want daer soo behoeft men purgatie omme die humoren mede te suueren. Ende ist bloet soo salment purgeren met latene oft den lichame te iijdelene oft alleene tle(s)t op dat hij latens is gewone ende die natuere steric is ende dat rechte voort. Ende als die purgatie gedaen is, soo salue tghefrutsurde let⁴ met warmer olije

2 frutsuringe : het Hs. heeft frutsutringe.

3 Na die moet misschien het woord wonden toegevoegd worden.

4 let : het Hs. heeft tlet.

[p. 41]

van roosen ende stroijt daer op puluer van mirtelen ende bindet wel, oft legtet al omtrent die wonde, op datter een wonde is, het bewaert die corruptie, drijuetse vuyte, ende soo doet oijck die quetsueringe vander wonden. Ende in die wonde soo leg ick eene wike ende dit pultes aldus gemaect.

Neempt twee pinte waters, een pinte olie van olijuen ende een hantuol terwen bloemen, ende siedet dit te samen met cleenen vire tot dat slecht is : dat soo leg ic daer op tot die sweeringe geseten is ende die wonde op haere dracht is. Ende daer(na) soo leg ic een suuerende plaester ende daer na een heelende plaester ende dragende.