Veelderhande schriftuerlicke nieuwe liedekens, vermaninghen, leeringhen, ghebeden ende lofsanghen
(1598)–Leenaert Clock–
Auteursrechtvrij
[pagina 479]
| |
Syt my bystandich in den noot,
O mijn Godt, nae u goetheyt groot,
Ghy kent mijn cleyn vermeughen,
Van deuchde ben ick naeckt en bloot
Om my recht te verheughen.
Ziet mijn hert aen, maeckt dat bereyt,
Vervult het met gherechticheytGa naar margenoot+
En met ws Gheestes crachten,
Gheeft my het rechte onderscheyt
Sijn wercken te betrachten.
Houdt my in u vreese altijdt,
Dat het quaet doen van my vermijdtGa naar margenoot+
Worde, en tot den goeden
Ick my mach gheven met jolijt,
Soo uwen wil bevroeden.
En wijslijck mach alsoo voortgaen
Voorsichtich op die smalle baen,Ga naar margenoot+
V vreese wel versinnen,
Van Menschen wijsheyt ledich staen,
Die dwaesheyt niet beminnen.
Teere ben ick, biedt my u handt,
En gheeft my Heer een recht verstandt
Dat ick mach onderscheyden
Het goet en t’quaet, en soo int landt
My tot der deucht bereyden.
Te raden wat my t’beste zy,
Gheeft my des Gheestes crachte vry
Waer ick sal henen keeren,
Dat uwen heylighen Gheest seer bly
My mach raden en leeren.
En my verstercke als een man
Tot ick my overwinnen can,
Die Weerelt heel vertrede,
My leer ontrecken heel daer van,
En houden Christi zeden.
Sterckt my door u conste midts dien,
Dat ick het onderscheydt mach sien
Des goeden ende quaden,
| |
[pagina 480]
| |
En soo het onrechte mach vlien,
Treden in uwe paden.
Doch eyndelijck gheeft my, O Heer,
Ga naar margenoot+Godtsalicheyt tot uwer eer,
Op dat ick doch mach wesen
Hemels ghesint nu altijdt meer,
Als u lief Kindt ghepresen.
Ter eeren Heer van uwen Naem,
Maeckt my dies weerdich en bequaem,
Soo sal ick my verblijden,
En my als een kindt ghehoorsaem
Schicken tot alle tijden.
|