Het groote liede-boeck
(1625)–Leenaert Clock–
AuteursrechtvrijOp de wyse van den 18. Psalm: Ick wil u loven en dienen eendrachtich.
Ga naar margenoot+VVEL die haer nu seer neerstelijc bereyden
Vercieren den Bruydegom te verbeyden
Dat onse zielen hem worden betrout,
Alst lichaem dat aen malcanderen hout,
Ga naar margenoot+Vleesch van synen vleesche ende ghebeente,
Soo men van Christo leest, en sijn Ghemeente:
Hoort doch nu toe, wat hy sonder verschil
Van syner Bruyt vordert en hebben wil.
1. MET den gemoede moet sy suyver wesen,
Ga naar margenoot+Fijn wel ghedaen in rechter Godes vresen,
Schoonheyt des lichaems soect de Heere niet
Ga naar margenoot+Maer dat inwendich int herte gheschiet:
Ga naar margenoot+Wascht en reynicht u, segghen sijn voor boden
Die ons tot onser Bruyloft comen nooden,
Die haer nu soo reynighen sonder rust,
Daer toe heeft de Bruydegom dan sijn lust.
2. Met deser daet en mach men noch niet vyeren,
Want Christus eyscht oock zedighe manieren
Aen sijn Bruyt, datse die vertoonen sal
Met woorden en met wercken over al:
Mate is goet ghehouden in die reden,
Ga naar margenoot+Want quaet gheclap dat verderft goede zeden
Ga naar margenoot+Ergernisse en moet men int ghemeyn
Oock niemant gheven deur wercken onreyn.
3. En hy soect oock rijcdom sonder vermoeden
Ga naar margenoot+Aen sijn Bruyt, en overvloedige goeden,
Ga naar margenoot+Welcke by haer in die deuchde bestaen,
Hier van doet Petrus ons een schoon vermaen:
| |
[Folio Hh8r]
| |
Dit zijn die dinghen die hy doet begheeren,
Daer mede synen Vader te vereeren:
Wie dese niet en heeft, is arm en blindt,
Tast na den wegh, weet niet waer hy hem vint.
4. Recht wel ghesont, creupel noch lam van leden,
Soeckt hy een Bruyt t'aenveerden met voorreden,
Dat sy veerdich zy in haer wercken ras,Ga naar margenoot+
Wat sy hier doet nae Gods wille te pas,
Dat men vyerich hier zy voor alle dinghen
Om den wille des Heeren te volbringhen,
Vervloeckt is de knecht onwijs, die onvroetGa naar margenoot+
Zijns Heeren werck hier traghelijck nu doet.
5. Trouwe soeckt hy, en datse daer beneven
Haer trouwe niemant anders en sal gheven,
En dat men in alle wercken sijn eer
Alleen sal soecken, en anders geen meer,
Daerom ist dat wy eten ofte drinckenGa naar margenoot+
'Tmoet zijn om hem de eer alleen te schincken,
Hy en wil niet, die't al gheschapen heeft,
Dat men sijn eere yemant anders gheeft.
[6]. En hy wil ooc dat sy int hert ootmoedichGa naar margenoot+
Ghehoorsaem onderdanich zy, en goedich
Dat synen wille, en den haren niet
Daeghlijcx gheschiede in vreucht oft verdriet,
Wie hem wil volgen moet hem selfs versaken
Niemant en can hier in een onschult maken,
Daerom gaet niet in u begeerte voort,Ga naar margenoot+
Maer voeght u altijdt na des Heeren woordt.
[7]. Noch soeckt hy boven allen dit te vooren,
Reyn liefde in haer herte vercooren,Ga naar margenoot+
Ten zy dat dese zy int hert ghestelt,
D'ander te samen voor hem niet en gelt,Ga naar margenoot+
Hy en nemet niet aen, tzijn ydel daden,
Maer waer liefd' is int herte wel beraden',
Soo maecktse wel alle dinghen bereyt,
| |
[Folio Hh8v]
| |
Want sy is den bandt der volcomenheyt.
So wy dan nu weten deur dit aenschouwen
Wat Bruyten dat Christus nu hier wil trouwen,
En hoe ghestelt moet zijn dees teere maeght,
Dus toeghemaeckt eer datse hem behaeght,
So mach nu elck een hem hier met beproeven,
Maken bereyt, 'tghen' dat hy sal behoeven,
Dewijl dat hy noch heeft een cleyne tijdt,
Naemaels en crijcht hy daer toe geen respijt.
|
|