Het groote liede-boeck
(1625)–Leenaert Clock–
AuteursrechtvrijOp de wyse: Ick sach twee spruyten schieten, etc.
ALs lieve vrienden pleghen,
Zijnde gheest'lijck gesint, Soo wensch ick
u Gods zegen Voor al, mijn lieve kindt,
Ga naar margenoot+Ghenade goet // u by zijn moet,
Int hert sy by u blijf, Tot dat ghy hebt ver
creghen, Dat ick alhier beschrijf.
BInnen moet sy verlichten,
V hert en uwen sin, En u ghemoet so stichten,
Haer claerheyt schijnt daer in,
Ga naar margenoot+Gherecht alda // door Godts ghena
Meucht door die hope zijn, En u ghemoet
meucht richten, Naer 'teeuwich leven fijn.
Ghesont wil u nu maken,
Ga naar margenoot+Gods genade perfect, Dat ghy wel
meucht gheraken, Door dit licht onbevleckt,
Ghenade reen // ons nu verscheen
Van Godt gheheel heelsaem, Dit goet doet
ons ghenaken, In Christi Iesu naem.
| |
[Folio D5r]
| |
Also sy doet ghenesen,
Sy ons oock onderwijst, Het ongoddelijckGa naar margenoot+
wesen Sy oock seer misprijst,
Sober en recht // veerdich en slecht
Daer toe sy ons nu raet, Gods ghenade gepresen,
Tot onser eyghen baet.
Iae sy gaet ons verstercken
Godts wil te doen eenpaer, En helpt onsGa naar margenoot+
crachtich wercken, Als ons den last valt swaer
Wat onghesont // nu is terstont,
Sy't ons te kennen gheeft, Dat wy't connen
bemercken, Waerschoudtse ons beleeft.
Liefste, volght desen rade,
So Paulus tuyght bequaem, Sterckt u in
die ghenade, Ghewelt te doen eersaem,Ga naar margenoot+
Om Godes rijck // seer vromelijck
Begeert sy nu ter tijdt, Vertoeft doch niet te
spade, Nu ghy beroepen zijt.
Ten eynd' sal sy u leyden,
Rechten en helpen me, Int werck u hulp bereyden,
Tot ghy in s'Hemels ste
Sult binnen gaen // en by u staen
Wat u hinderen sal, Sal sy van u doen scheyden,
'tNoodich u gheven al.
Och laet u doch ghenoeghen,Ga naar margenoot+
Met der ghenaden mijn, Seyt Godt: ons te
verhoeghen, In commerlijcken schijn,
En keeren van den pat, Om ons cleyne vermoeghen,
Gaet Godt beloven dat.
Niet en sal ons ontbreken
Soo dese by ons blijft, Bidt daerom onbesweken,
Int aenhouden verstijft,Ga naar margenoot+
Om haer hulp goet // regeeringh soet,
Spyse, int Christen werck Volherdich, haer
voorspreken, Dit sal u maken sterck.
| |
[Folio D5v]
| |
In volmaecktheyt aendachtich,
En dat ghy nu begeert, Vervult zy wel en
crachtich, Den moet zy ons vermeert,
Dat wy niet min // die haven in,
Sullen zeylen te gaer By onsen Godt almachtich,
En syn Hemelsche schaer.
Seer doet nu overvloeyen
Gods ghenae in dees tijdt, Och mocht sy by
ons bloeyen, Int hert ontloken wijdt:
Maeghd'lijck eerbaer // voor een nieu Iaer,
Neemt dit van my in danck, In dees genae
wilt groeyen, Nu al u leven lanck.
DOCHTER neemt dit int goede,
Na 'tlichaem onbekent, Met Christ'lijcken
ghemoede, Ben ick t'uwaerts ghewent:
Wort niet vertsaecht // om dat ghy draeght
Der menschen smaet alleyn, Godt neem u in
sijn hoede Brengh u in 'sHemels pleyn.
|
|