Ter eere des eersaemen Brudegoms Franchoys Bottuut, trauwende d'Eerbare dochter Janneken van Geeste, dochter van Pieter van Geeste, gouverneur der Rederijcke gilde van Maria van Alsenberghe, gheseydt Lichtgheladen, t' Ypre, den 6enJuly 1621.
Des levens lichten gheest blies Godt in d'eersten mensch',
als hy gheschapen was volcommen naer sijn wensch',
om dat dien lichten gheest de menschen inghegeven,
soud' hun gheneghentheydt en lusten al doen leven.
Den gheest stiert hun en maeckt hun wetenschappen sterck
tot een gheleerdtheydts ampt of tot een constich werck;
en noch doet aldermeest den gheest het vier ontsteken,
dat twee ghelievers doet van soete pijne spreken.
Nu dan, heer Bruydegom, den gheest heeft uwen brandt
gheblasen en ghestookt voort met haer rechter handt,
en deur Van Geestes gheest is uwen gheest gheresen,
om met noch eenen gheest één in een lijf te wesen:
want Gheest heeft uwen gheest in haren gheest ghehaelt,
waer over s' hemels gheest als heden heeft ghestraelt,
[pagina 41]
[p. 41]
en heeft dees gheesten bey soo langh in een ghebonden,
tot datter eenen gheest ten hemel werdt ghesonden.
Dus wel gheluckigh paer, zijt in den gheest verheught,
ghy, die als heden comt tot uwe meeste vreughdt.
't Is goedt bly-gheestich zijn in 't weldoen t' allen tijden,
want daermen qualick doet, en kanmen niet verblijden;
ghy doet dan t' samen wel, want liefd' hier vrede baerdt,
wacht u, dan gheenen gheest, die quaet is, u beswaerdt;
maer laet een goede gheest uws levens gangh voort jaghen,
Auteursrechtvrij