Het Rijper Liedtboecxken inhoudende hondert schriftuerlijcke liedekens dewelcke noyt voor desen in druck en zijn gheweest
(1624)–Jacob Claesz–
AuteursrechtvrijOp de wijse: Godt Schiep den mens eerst vanden begin.
IN de Wet was gheboden siet
Te achter Clappen niet,
Verstaet wel dit bediet,
Al onder die Israelijten,
Want door een quade tonghe snel,
| |
[pagina 197]
| |
Comt twist oneens rebel
Wanneer sy vander Hel
Sy is quader dan des slangs bijten
Sy is vol dootlijck fnijn,
Daer helpet medecijn
Gheen dinck wilt dit recht singhen,
Dan de tongh te recht te bedwinghen.
Maer een woort sproken tsijnder tijdt
Dat looft Salmon seer wijdt,
Het is hoort dit belijdt,
Ghelijck Appelen vander gouden,
In Silveren schalen bequaem,
Vrienden van goeder faem
Bedwinght u tonghe te saem,
Dat wellick niemant na berouden
Tis beter zwijghen stil,
Dan te maecken gheschil
En die tongh te gaen temmen,
Datmen niet hoort qua clap der stemmen.
Een fnijndige mont vaet tbediet
En een quaet herte siet,
Daer is doch booser niet,
Tis als een potscherve hoort desen
Overtrocken met silver schuym,
De werelt is wel ruym:
Maer door haer fnijndich sluym
Sy haestich kruypt doort lant men lesen,
Sy maeckt Vorsten oneen
Dus en hebt gheen ghemeen
Met achterclappers ghenen:
| |
[pagina 198]
| |
Want het breeckt liefd onder d'gemeenen.
Een herte dat gherechtich is
Dat is sijn saeck ghewis,
Het hout hem selver fris,
Het dicht wat daer is te antwoorden,
Wel hem die sijnen lust soo heeft,
In woorden niet en sneeft
Een goet Exempel gheeft,
Dat een yeghelijck hier na spoorden,
Volcomen is die man,
Die hem soo houden can
Nochtans het dus hoort gane,
Daermen gaet op die rechte bane.
| |
Pause.Men leest van Dog den Edemijt
Die door haet ende nijdt,
Veel Priesters t'sijnder tijdt,
Door achterclap van David mede,
Als David van Priester pleysant,
Kreech een zweert in zijn hant
Oock spijs te eten want,
David voor Saul vluchten dede
Dug Saul dit vermaen,
Daer door Saul deedt slaen
Wel vijfentachtich lieden,
Die Priesters waren naet bedieden.
Veel beter ist te loven fijn
Met een claer helder schijn,
Den Heer tot allen tijn,
Sijn lof met tonghen te vertellen,
| |
[pagina 199]
| |
Dat uyt een reyn herte seer jent,
Daer door dat hy Godt kent
Volcomen exelent,
Hy gaet Godts Wet met lust vermellen,
Daerom den Heere prijst,
Sijn macht die eeuwich rijst
Die moet hooch sijn ghepresen,
Want sijnen stoel is hooch gheresen.
Maer wanneermen met een mens fnijn
Spreket een saeck devijn,
Soo gaet hijt na dien tijn,
Achter u rug listich na spreken,
En duydet na sijn eyghen sin,
Gheen booser ick en vin
Een quaet mens omt ghewin,
Sijn list can hy daer mee in steken
De waer te prijsen hooch,
Hoe wel sy weynich dooch
Wilt u altijdt bewaren,
Voor valsche tonghen ende scharen.
Een goede tonghe is een lust
Wanneert herte gherust,
Alle fnijn heeft gheblust,
En reyn is van quade begheeren,
Wt dese mont comt enckel goet,
Dees woorden sijn seer soet
En sacht, en maecken vroet,
Al twist oneens, hier na wilt leeren
Vant een noodich gheheel,
Laet sijn u spreecken veel
| |
[pagina 200]
| |
En dat van herten goedich,
In woorden en sijt niet hoochmoedich.
| |
ij. Pause.Een boose tonghe spreeckt van Godts Wet,
Maer door hoomoets opset,
Hier op neemt uwen let,
Tis om van mens worden ghepresen,
Sy connent dreyen na haer wil,
En sijn bequaem en stil
Gheveynst sonder gheschil,
Maer haer herte is hooch gheresen
Thooft hy wel hanghen laet,
En voert een schoone praet
O mens wilt u bekeeren,
Anders te leven wilt nu leeren.
Een wijs mensche verberghet heel
Een sake van krackeel,
En besiet het wel veel,
Offer wat quaets mochte uyt comen,
Het is Gods eere hoort dees reen,
Te verberghen ghemeen
Een sake groot oft kleen
Dus te leven is by den vromen,
Een anders heymlijckheyt,
Ghelijck Salomon seyt
Wilt fijn verzwijghen,
Op dat ghy gheen smaet gaet vercrijgen.
Wanneer daer gheen hout meer en is
Het vier gaet uyt seer ris,
Verstaet dit wel ghewis,
| |
[pagina 201]
| |
Als wech is achterclap mispresen,
Dan hout de twist op soomen vint,
Want achterclap versint
Is schadelijck, men wint,
Daer niet mee dan al onghenesen,
Wonden om heelen niet,
Want de praet snel doorvliet
Cruypt door landen en steden
Maeckt niet dan twist ende onvreden.
De waerheyt te spreken devijn
Is lieflijcker dan wijn,
Tis beter medecijn
Dan eenich dinck al op der aerden,
Haer leeringhe is seer heylsaem,
Tvercondicht Godes naem,
En sijnen macht bequaem
Dees is by Godt in grooter weerden,
Daerom wel desen reen,
Die de waerheyt ghemeen
Spreeckt uytter herten,
Namaels sal hy lijden gheen smerten.
| |
iij. Pause.Maer wie isser die hier oplet
Elck een na sijn opset,
Gaet praten en dat met,
Die gheen die gheeren qua snap hooren,
Een anders ghebreken seer snel,
Met gaet praten rebel
O tongh al vander Hel
Vol vier en vlam, o quade dooren
| |
[pagina 202]
| |
O fnijn dat niet en rust,
Dat daer comt door s'vlees lust
Waer sult ghy verschijnen,
Wanneer ghy van Godt moet verdwijnen.
Maer lieflijck salt wesen seer soet
Voor Godts kinderen goet,
Die hooren metter spoet,
Ghebenedijden al ghemeene,
Daerom singt looft altijdt den Heer
Al die na sijnen leer
Leven en neemt gheen keer,
Te prijsen, hoort na desen reene
Godts lof sal tallen tijdt,
Soo David vry belijdt,
Sijn in mijn monde,
Dus looft den Heer van herten gronde.
Wanneer den Rechter comet voort,
Alsmen van elcken woort,
Onnut ydel discoort,
Sal rekenschap heel moeten gheven,
Waer sal den achterclapper heen,
Oock den spotter ghemeen,
Een kijvachtich onvreen
Och hoe sullen sy moeten beven
Voor den Rechter oprecht,
Dit al maecken sal slecht
Het caf verbranden,
Met huylinghe knerssen der tanden.
Oorlof al int eynde ghewis
Maeckt u vry ende fris.
| |
[pagina 203]
| |
Van al onreyn, dat is,
Wilt u woorden wel overdencken,
Met sout te menghen onghefaelt,
Oock Pauwelus verhaelt
Waer af het quade daelt,
Godt wil u al hier macht toe schencken
Dat ghy vuyl snap vermijdt,
Want het doet gheen profijdt
Maer verderft goede seden,
Dus jaecht naet best, in alle steden.
|
|