Het Rijper Liedtboecxken inhoudende hondert schriftuerlijcke liedekens dewelcke noyt voor desen in druck en zijn gheweest

Het vier en tsestichste Liedeken,

Op de wijse: Sy lieten my daer alleene staen.

BEkeert u al ghelijcke
En leert boete ghemeen,
Neemt van sondt haest een wijcke
Haest u hoort dese reen,
Gheeft Godt zijn eer en dat met een
Reyn hert uyt liefden vierich
Eer dat ghy comt al int gheween.

[p. 149]

 

Eer u voeten haer stooten

 

Aen donck're Berghen quaet,

 

Dat ghy dan als de blooten

 

Ontkleet voor t'Oordeel staet,

 

En moet hooren een stemme gaet,

 

Van my vermaledijden

 

Doet doch boete na Christus raet.

 

Set niet uyt vanden eenen

 

Dach tot een ander tijt,

 

Op dat ghy niet moet weenen

 

Dat u den tijt ontglijt,

 

Dan comt ghy nae in het ghekrijt

 

Eeuwich int helsche viere

 

Doet boete uyt al uwe vlijt.

 

Den Prins Christo verheven

 

Die roept sonder vertreck,

 

Comt al wie dat wil leven,

 

Comt uyt dat sondich dreck,

 

Die wijsheyt roept al totten geck,

 

Hoe langhe sal noch dueren

 

Reynicht u doch vant sondich peck.