Mastreechter versjes en leedsjes (onder ps. P.C.d.B.)

[p. 15]

Bezeuk keuningin 1926
wijze: Er kwamen twee tambours

Hoera! De Keuningin

Um us te laote blieke

Heur groete simpatie

Kump nao et Zuide kieke.

Refrein: Rou douw, dibbe dibbe douw,

Kump nao et Zuide kieke, Roudouw.

De militaire mach

Mèt stievele en spaore,

Moot in eus aajd Mastreech

De orde weer bewaore.

Refrein: Rou douw, enz.

En oet de motkis kump

De sjakko mèt te pluime,

Die vrouwleef naoderhand

Weer propel op moot ruime.

Refrein: Rou douw, enz.

'n Drökde in de stad,

De huu en mötse wejje;

Um alles good te zien,

Stoon ze op te letejje.

Refrein: Rou douw, enz.

En bloozers aon de weeg

Die van de druugde stikke,

Iech mein de hermenie,

Neet tie van de fabrikke.

Refrein: Rou douw, enz.

[p. 16]

 

Die höbbe niks te doen,

 

Mer zien bij tössepooze

 

Get aon de kiezelkoul

 

Of bij de werkelooze.

 

Refrein: Rou douw, enz.

 

 

 

En toch, noe, veur et fies,

 

Wèlt me ze rekwireere,

 

Um alles in de stad

 

Ins deftig op te seere.

 

Refrein: Rou douw, 'enz.

 

 

 

Me wèlt et aajd gebruuk

 

Van vreuger weer vernuije,

 

De pottemennekes

 

Get blomme l[...]ote struije.

 

Refrein: Rou douw, enz.

 

 

 

Me kin aon dat gebruuk

 

Wel ziene veto hechte,

 

Mè dan in eineweeg

 

Veur d'industrieje vechte.

 

Refrein: Rou douw, enz.

 

 

 

Daorum de blömke; weg,

 

Die zouwe noe neet passe,

 

Bezejje veer de straot

 

Mèt sjeutelkes en tasse.

 

Refrein: Rou douw, enz.