Sjöddeköl. Rijmelkes in 't Mastreechs

(1947)–Hais Chambille– rechtenstatus



[pagina 32]
Es later ins..... Es later ins weer vreij zal zien, en leech is in de stad, daan laope druimend door de straot veer mèt us twieë sjat. Es later ins weer vreij zal zien, en euveral meziek, daan goon veer fuive, eder daag, en druime veer us riek. Es later ins weer vreij zal zien, daan kump d'n tied weer trök, tot veer weer druime mèt us twie vaan leefde en gelök. Nein! Es later ins weer vreij zal zien, en lempkes branne, sjat, daan goon veer wèrke, daag en nach veur d'n opbouw vaan us stad. Es later ins weer vreij zal zien, daan is 't jao eus taak: herstèlle wat de vreemde lui kepot höbbe gemaak. Es later ins weer vreij zal zien, en euveral is leech, daan röste veer neet, leve sjat, veur Treech weer zien zal Treech!