Diversche liedekens
(1574)–Matthijs de Castelein–
Auteursrechtvrij
[pagina 19]
| |
 schoon een vrouwe
Jst dat ick v moet deruen
En verliesen mijn amye,
Moet ick deur liefde steruen
En scheyden ick en ghye,
Dat clagh’ick ialousye.
Ick claghe des scheedens droefste ure,
Die noyt ter waerelt mocht ghesijn:
Niet beter en is mijn auonture,
Tfy ialousi valsch fenijn,
Ghy brocht my int swaer ghepijn,
T’sal noch al op v weluen:
Nochtans waendy my verzeeren,
| |
[pagina 20]
| |
Gh’en doet, ghy quelt v zeluen,
En doet v luttel eeren,
Jck hope het sal verkeeren.
Als ick ouerdincke tijd voorleden,
De tourkins ende de ganghen,
Hoe wy onslien doen tot vreuchden deden,
Ben ick tranich behanghen,
T’coleur van uwen wanghen,
Brijngt my in swaer ghepeynsen
Als ic nu daer af moet scheeden:
Hoe can hy op v greynsen?
Ghy const my noyt verleeden,
O God troost doch ons beeden.
O lacen mijn ouerschoon Princesse,
Wilt doch mynen druck verlichten:
Ghy gaeft my int scheeden eene lesse
Dat ick op v sou dichten,
Jck claechs vrou Uenus schichten,
En vloucke hem bouen maten
Die ons bringhdt in dees doleuren:
Ten sal nochtans niet baten,
Schoon lief en wilt niet treuren,
T’moet veel vremds dincs ghebeuren.
|
|
