Mosalect. Bloemlezing uit de Limburgse dialectliteratuur

[p. 363]

De Bergrede
Venloos

Zalig zej die erm van geis zien
want eur wuërt gegaeve
ein keuninkrièk van iëuwige vreug
en van ónsterflik laeve.

Zalig zej die good van hert zien,
die gein hardheid kinne;
zej zulle daodoor auk de plaats
die eur bereid is winne.

Zalig zej, aan wae de daag gein
vreug maar dreufheid brachte;
zej kunne in eur leid berösting
en Gods troës verwachte.

Zalig zej die waorheid en
gerechtigheid óntbaere,
zej zulle in verlange nao dit
rech verzadig waere.

Zalig die bermhertig zien,
zej zulle eur loën neet derve,
maar door eur goodheid zulle zej
bermhertigheid verwerve.

Zalig zej die in eur hert enne
zuuvren tempel bouwe,
zej zulle God in Ziene glans
en hiërlikheid aanschouwe.

Zalig zej die euveral
de ware vrede bringe,
want eur zal me de groëte lof
van kinder Gods toèzinge.

[p. 364]

 

Zalig zej die um de waorheid

 

zien vervolg gewaore,

 

eur is ein plaats van iëuwige

 

bliedschap en gelök beschaore.

 

 

 

Zalig ziet Gej, as me Och

 

um Mich bespot, beschöldig,

 

ziet blief dan en verheug Och want

 

Och loën zal zien vuëlvöldig.

 

 

 

Mien Meelkop