Mosalect. Bloemlezing uit de Limburgse dialectliteratuur

[p. 294]

[p. 295]

Bie eine graafsjtein
Roermonds

Zo hat ter 't bie zien laeve nog besjreve:
bring, es mien vrunj kaddiesj* höbbe gezag,
mien liek nao Beth-ha-chajiem,* 't
vlak bie de ingangspórt weurd veergelag.

Zo gebeurde; ich höb 't graaf gezeen;
de naam is door de raegen oetgesjlete,
de sjtein half weggezak, 't voelgreun mós
zeuk ziene waeg veurzichtig door de sjplete.

Mer God zij dank: dem kint nieks meer gebeure,
en es de ingele op de wölk gaon sjtaon
en zich op häör trómpete laote heure
is hae den eerste dae op waeg kint gaon,
want 't leste oordeil is veur hem
gilgoel-ha-métiem:* trök nao Jerusalem.

Paul C.H. van der Goor