Mosalect. Bloemlezing uit de Limburgse dialectliteratuur

[p. 186]

Landsjepke
Maastrichts

Iech späöl zoe geere in 't kestaanje-
kleurig böske vaan dien haor,
kiek zoe geere in de vievers
vaan dien ouge, blow en klaor,
zow zoe geere op de bojem
vaan dien hertsje wèlle zien,
zeuk zoe geere nao de sjölpkes
vaan dien uurkes, klein en fien,
zwerf zoe geere door 't lachend
landsjap vaan dien wengskes roond,
mer et liefs nog puur iech honing
oet de blom vaan diene moond.

Th. Desir

[p. 187]