Mosalect. Bloemlezing uit de Limburgse dialectliteratuur

[p. 158]

Parabel 't Paosei
Maastrichts

Bewaort miech gèt rouge en gèt raos vaan eur lipkes
En doot vaan eur snuutske gèt oker debij.
Gèt zwart vaan eur winkbrouw veur striepkes of stipkes,
Iech maak uuch veur Paose e sjoen gekleurd ei.

Want is de sjaol voel, iech kin alles cacheere,
Ofsjoen auch d'n inhaajt 't zelfde blijf.
Mè dee 't daan krijg, dee zal moote prebeere
Of soms neet 't uuterlik... zwoer euverdrijf.

P.C. de B.

Wie Geer had moote zien,
dao weurd Uuch op geweze
Es Geer nao Euren doed
Eur Doedsprintsje kós leze.

P.C. de B.