Mosalect. Bloemlezing uit de Limburgse dialectliteratuur

[p. 73]

Vandaag
Heythuysens

Vandaag moosse doon waasse mörge lieëts
vandaag dien sjout betale
vandaag mer zinge
òmdesse mörge griens
vandaag, des noe
neet mörge

vandaag moosse doon waasse mörge lieëts
vandaag dien leefste kösse
want mörge is dien leefste dóad
en kònsse neet mieër kösse

vandaag moosse doon waasse mörge lieëts
vandaag kònsse dich nog baeje
en mörge zaengeltj dich pestóar
kaod zeen dien veut en oetgetraeje

vandaag is noe
en mörge neet
vandaag is vreugjaor
meziek en blome
vandaag gein bloom
gein vrucht verbaoje
mer mörge
zal de wintjer kome.

Sjeng Kierkels