Mosalect. Bloemlezing uit de Limburgse dialectliteratuur

[p. 33]

Miene Paose
Eijsdens

Es sjtrak de doedsklok weer zal teuëmpe
en gier daan kaomt nao ming begreffenis,
wilt daan neet kriete, mè gaot zinge
umdat 't vuur miech daan Paose is.

En laot de eurgel daan mer kleenke
en zingt 'n wiette Ingele-mis.
Laot op de koer de blomme bleenke,
zeet blij umdat 't vuur miech daan Paose is.

En es g'r miech daan hebt begraove
en zeuke gaot oe get te dreenke is:
gaot daan dao heen, mè wèlt bedeenke
dat iech neet kaom... umdat 't miene Paose is.

Pierre Theunissen