Mosalect. Bloemlezing uit de Limburgse dialectliteratuur

[p. 29]

't Ieësjte kinneke
Eijsdens

Ze haw zich blijj geboeëge
wie zich 't laeëve haw gemeld
en fluusjt'rend, deep bewoeëge
't häöre maan verteld.

Ze deeg al maonde, waeëke, ore
aal wat de leefde vroog.
Noe likt ze dao te lore
nao 't woongder dat ze droog.

Vuurziechtig zal ze 't legke
ien de han vaan häöre maan
en krietend ‘Daanke’ zegke
‘Dich bist 'r de Vader vaan.’

Hae hilt sjtraks, ien de mörge,
't keend hoeg opgeluucht:
‘Laot oes d'r good vuur zörge
want, Hier, 't blijft vaan Uuch.’

Pierre Theunissen