Mosalect. Bloemlezing uit de Limburgse dialectliteratuur



[pagina 17]
De gruaote puaos Echts Urbi et Orbi...! Mit moder... in de Heil'ge Nach baedje weer, wie klein w'r ouch wore, es 'n oerlangk van d'n huaogen tore de gruaote klok de fiaesklank brach! Allein mit moder! Zuao mós 't zeen! Den zag ze òs wie haw gelaege in struäö e kindje, òs tòt zaege..., en döks, ocherm, et minske green! 'n Petrolsjlamp op de taofel walmdje... 'nen traon hòng in d'n ougerandj:... Den zoge weer wie moder talmdje... d'n roazekrans nog in de handj... en zág ze, es de klok nog galmdje: Die zaegendj álles... stad en landj! P.A.H.M. Peeters