Die Darfelder Liederhandschrift 1546-1565

[p. 128]

Nr. 64aant.

⁺ I.
Ich had myr eyn gerdellyn gebowedt
van ffyollen eyn gellen kley,
das gerlyn yst myr untffraren,
das doet myr myn yongens heyrtzen so we.
eyn kruytken wye langer we lyever,
das yst myr untfraren myt eyn sonen scheyn,
eyn blomken verget nyt myn.

II.
Das blomken das ych mennen,
das yst van solker art,
das yst van doeyhden reynen
und ffordt eyn gans mondelyn sartz.
dar to twe ffalken ochgellyn klar,
ya wan ych dynck op scheyden,
so ffeylt mych truren weder zo.

III.
Och godt, we we doet scheyden,
heyfft myr myn heyrtz dorchwont;
brenget myr eyn hemlych leyden,
truren to aller stont.
der stonde der kompt myr al so ffol,
myn heyrtz leydt hemlych leyden,
we wal ych seynchge und ffrrolych byn.

IV.
Konde ych nu das vergetten
als manger och wal doet,
so wolde ych ffouyren eyn ffrolych leyven
und haffen eynen goden moedt.
das kan ych nu leyder nyt gedon,
ya wan ych gedynck op scheyden,
so ffeylt mych truyren weder zo.

V.
Och gott, we yst myn bol so wylt.
so manger das men yn dem ffelden ffynt,
O we der grotten ellenden.
sso wet ych yn duyzchgen¹ landen nyt eyn,
der mych so rechten wal gffellet.

1553
G F Z B
K[atryn] v. Battenborch²

+ Bl. 67 r^o

1 das z ist nachträglich darübergeschrieben.

2 neben dem Schreibernamen Federprobe: frolich.