Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw (1850)

Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

(1850)– Broeder Geraert– rechtenstatus

Auteursrechtvrij

In oud-Dietsche rijmen, naer een perkementen handschrift uit de XIVde of XVde eeuw

Vorige Volgende



[Folio xxxv]
Hoe dat si groten dieren tijt voerseide. 1115[regelnummer] Si voerseid oec, die utevercoren Godes dochter, langhe tevoren, een alte dieren tijt, eer hi quam, also als sine van God vernam. Die dier tijt viel doen, doen men screef 1120[regelnummer] dusentech, hondert ende oec bleef daer seventech iaer, die daer toe horen, van dien tide dat God wart geboren. Alte vele anders dincs es ghesciet, ende sulc dat noch vervult en es niet, 1125[regelnummer] dat wie wel wanen dat gescien noch sal, dat si vore propheteerde al… Den nonnen van sinte Katelinen was si harde heimelec, de maghet vri, die woenden tSintruden buten der stat; 1130[regelnummer] so dat si somwile met hen sat ende sprac van Gode; ende daer na saen so ward si onversienleke bestaen,
[Folio xxxir]
ende wart daer in den geeste gevueret op, so dat haer lichame als een dop, 1135[regelnummer] daer kinder met te spelene pleghen, rindelde, ende keerde hem weder scheghen. Ende want si so haesteleke keerde al omme, ende oec so stuerleke met, daer omme so en const nieman, met sinen sinnen, 1140[regelnummer] aen haren heileghen lichame bekinnen vorme van haren leden engene. Doen langhe alsus de maghet rene was geclotet ende gerindelt, omgekeert dicke ende gewindelt, 1145[regelnummer] so dat hen van stuerheiden dies kerens dochte, dat si verginc ende nommeer en mochte; doen rustese met haren leden te male, ende luedde daer een wonderlec sanc so wale, tuschen haer borst ende haer strote, 1150[regelnummer] dat ict voer wonder segghen mote, dat engeen minsche en leefde doen, die verstaen conste die wonderlec melodie, ocht na gevolghen met eengherhand list die ieman levende conste ocht wist.
[Folio xxxiv]
1155[regelnummer] Gebroecsam musike had hi gemene ende tone met andren sanghen allene; maer van der melodien de woerde, die men daer metten sanghe hoerde (ocht nochtan woerde mochten heten), 1160[regelnummer] dien const nieman niet wel geweten noch verstaen in sinen moet; maer concordancien haddense goet. Binnen dien dat si sus sanc, ende men daer hoerde dat suete geclanc, 1165[regelnummer] en ginc noch stimme noch adomtocht ute haren nese, dat iemanne docht, noch oec met ute haren monde, dat ieman aen haer vernemen conde; maer tusschen haer borst ende kele, daer 1170[regelnummer] luedde een armonia so claer, dat si den ingelen van hemelrike van suetheiden luedde genoech gelike. Binnen dien dat al haer lede rusten, ende si haer oghen toe dede, 1175[regelnummer] na die maniere ende die wise dies si pleghen die slapen lise,
[Folio xxxijr]
so quam die edele creature daer na tehaer selve over een ure, ende stont oppe, ende had gebere 1180[regelnummer] als ocht si gewaerlec dronken were, ende riep hoghe: ‘Nu drinct te mi tconvent al tenenmale, dat wi den genadeghen Ihesum Xpc daer boven in sinen wondre moghen loven.’ 1185[regelnummer] Tehant so quam tconvent te samen, ende worden seer blide doense vernamen, dat Kerstine had troest ontfaen; ende doen begonst Kerstine al saen Te Deum laudamus met groter begeringhen, 1190[regelnummer] ende tconvent ginc al na singhen, ende brachtent ute met groter eren. Aen dien lof so moegh wi leren, als ons God heeft ied goeds gedaen, so seel wi hem loven ende danken saen, 1195[regelnummer] net lesene, met singhene, in allen manieren. dat hi ons geweest heeft goedertieren… Namaels doen si tehoer selve quam volcomeleke, ende si vernam,
[Folio xxxijv]
ende haer ander liede deden verstaen, 1200[regelnummer] wat si onwetens hadde gedaen, ende wiedwijs dat si te gader riep tconvent tons Heren love: so liep si henen, ende toende oppenbare, als ocht si sot ende snoedeel ware.

Vorige Volgende