Leven van Sinte Lutgart

[23] Hoe dat een edele ionfrouwe beatrijs wart gegeenst met haren wile.

Uvat dat elke nonne daer binnen
van haren dingen const gewinnen
van hoedu^oeken ocht van gurdele ochte
van wilen, dat namensi ende dat dochte
hen, dad grote reliquien waren
ende groet heildom, so wast oec twaren.
Doen was daer een edel nonne jnne
beatrix hied si ende wijs van sinne
di met haren vaderleken gu^oede
hawiers op hief vt grote ermu^oede

[fol. 100r]

 

ende gaf hem hars gu^oeds meldeleke

 

Dees ionfrou si was gepijnt swarleke

 

van enen swere di har stont

850

jn haren hals als menegen was cont

 

Dien swere di har deed di pine

 

dien hieten carbunkel de phisisyne

 

Dees nonne si genas hoert hoe

 

si ginc henen ende nam doe

855

den wijl dien lutgard op har hoed

 

hadde, want har geloeue was groed

 

ende leiden om haren hals ende saen

 

was har dat groet geswel uergaen..

 

Et was wel recht dat lutgart trouwe

860

toende aen di edel ionfrouwe

 

ende dat si geestelec gu^oet har gaf

 

daer si op ertrike gevued was af..