Leven van Sinte Lutgart

[22] wiedewijs dat si de sterfte die onder de nonnen was werdreef also alst een nonne in een visione sach.

Na dien dat enwerf had voersien
de werde lutgard dat soud gescien
grote sterfte onder de nonnen
so was daer een nonne dies god woud onnen
die in een visie sunderlike
sach dat harde ontemelike

[fol. 99v]

 

veel liede in de kerke ronnen

 

ende al si sach datd hen de nonnen

 

noch nyman els en const verbieden

830

van den nonnen ocht uan den lieden

 

doen sach de nonne dat sinte lutgart

 

vten graue stont op teruaert

 

ende dreefse alle vter kerken

 

met crachte, daer mochtmen wonder merken

835

want daer na sonder merren saen

 

so was de sterfte al vergaen.