Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[15] hoe dat een werelec man een har vrient in swaren sunden was geuallen ende verloest was. EEn wereleke man die was haer sunderlec vrient als ic oec las 495[regelnummer] hi was geuallen swarlec in ene
[Folio 92r]
sunde, dar hi af had rene sijn biechte uolcomelec gedaen ende sijn penytencie ontfaen nochtan soen wart hi nyet geware 500[regelnummer] heymeleke noch oppenbare en genen troest in sinen gebede ende daer om, en had de genade gods gedaen, hi waer geuallen jn meshope, daer god ons allen 505[regelnummer] moet af hueden, want sunderlinge so es dat sorchlec uoer alle dinge. Doen quam dees man gegaen ter gu^oeder lutgarden, als toet sier eigender mu^oeder ende claghd har wat hi had gewracht 510[regelnummer] ende wiedwijs dat hi dach ende nacht voer sijn sunden doghde sere. Doen bat si voer hem onsen here eenwerf ende anderwerf ende derdewerf maer si en dede en geen bederf 515[regelnummer] want sijn vercreegh en geen andwerde van gode, na dien datte werde maeght, van hem te hebbenne plach want die besundeghde man hi sach
[Folio 92v]
ende ghevuelde van binnen wel dat 520[regelnummer] hi nyen hadde en twinteken bat. Alsi dat sach so ginc si sere worstelen ieghen onsen here. The leest al sine nyen conste verwinnen wartsi allettel ghestoerd van binnen 525[regelnummer] ende seide, vergeeft hem here dees sonde ocht du^oed mi saen nv op dees stonde vten boeke dies leuens dar ghi mi binnen screft , ende stappans al si di stimme op gode vt liet ghaen 530[regelnummer] so wart ons here gheneyget saen toet sier groter ontfarmechheiden ende sprac toet har sonder beiden. Jc heb dien man sijn sunden verlaten want hi hem seluen vtermaten 535[regelnummer] sere, mijn dochter op v verliet. Ende jn heb heme allene nyet sijn sunden vergeuen, maer wed oec dat dat ics hen allen sal doen the bat die ghi hebt lief ende die toet v 540[regelnummer] ghenade hebben dat segh ic v nv
[Folio 93r]
Als god ghesproken had dees waerd so vercregh die man ter vaert genade ende troest volcomeleke van sunden ende van allen ghebreke 545[regelnummer] ende stont beter op na den valle. Also moten si doen alle die met sunden sijn beuaen si moeten alle beter op staen

Vorige Volgende