Leven van Sinte Lutgart(1987)– Broeder Geraert– Auteursrechtelijk beschermd Vorige Volgende [13] hoe dat haer de moder gods maria ende sinte ian baptista oppenbarden .xv. dage uoer har doed. Dat ic nv segge dan es geen saghe. 400[regelnummer] voer dat si starf wel xv. daghe so oppenbarde haer de vrie moeder ende maeght sinte marie ende sinte ihan baptista dien si had sunderlingh lief de maget vri 405[regelnummer] ende seid toet haer nv seldi saen van vre doeght den loen ontfaen ghi selt hier sijn nv corten tijt [Folio 90r] [fol. 90r] wijn willen nyet dat gi hier langer sijt al de porter van hemelrike 410[regelnummer] si beiden uwes begerelike... Oec so oppenbaerde hare menech heilege in dien iare ende uoerseiden hare haer inde Oec quamen tehare sulc di si kinde 415[regelnummer] ende di si hier was heimelike dier ziele dat was in hemelrike si baden hare dat si ware vro, want sise in haer scare met allen heilegen souden ontfaen. 420[regelnummer] Dat seid si haren vrienden saen. Doen vreghdmen haer van desen dinge wiedwijs dat si sunderlinghe wiste welc deen ocht dander ware onder so vele heileghen di hare 425[regelnummer] dicwijl toppenbarenne plaghen. Doen seid si ic wil v gewaghen wie ic deen voer dander kinne als mi god mijn lief mine minne hem so lieflec oppenbaerd 430[regelnummer] soe comt vt hem een liecht teruaert [Folio 90v] [fol. 90v] daer ic in kinne volcomeleke elken heileghen sunderleke. Nu merct wie sere dat sinte lutgard van godleken liechte ward verclard 435[regelnummer] dat si volcomeleke mocht kinnen metter gracien gods van binnen alle de heilegen die toet har quamen van anscine clerleke ende met namen jn dat godleke liecht dat hare 440[regelnummer] verschen daer ende quam oppenbare Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd