Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[10] wie dat si een stimme hoerde die seide. et es mi een welde te sine met den kinderen der minscen Eeens daeghs alsi haer had gekeert ter wantwert als ons distorieleert om dat si daer woude contempleren
[Folio 88r]
quam daer te hare de stimme ons heren 325[regelnummer] daert een geestelec nonne toe hoerde ende seide toet haer de su^oete woerde. Et es welde te sine mi metter minschen kindren, daer bi soen eest geen wonder dat god gern es 330[regelnummer] met gu^oeden lieden dies sijt gewes. Sinte augustijn die meester wise gelijct de heilege ziele den paradise. ende wel te rechte, want doend de uader in den woerde maecte al gader 335[regelnummer] hemelrijc ende ertrike so sprac hi een waert ende et was gemaect ter vaert. maer doen hi den minsche soude hermaken om de sundelike saken daer en bracht hadde adam toe 340[regelnummer] deus here god uan hemelrike ende hoe mocht yman di leeft vertellen wie grote pine, de gods sone al tote der lasterleker doed doen leed ende noch te lidene weer ghereed
[Folio 88v]
345[regelnummer] omd sminschen wille werd mogeleke eer hine liet steruen euweleke. die onste uergoud gode na har macht sinte lutgard want dach ende nacht pijnde si hare als ict versta 350[regelnummer] hoe si sier pinen mocht uolgen na Dat deed si also uolcomeleke als ic van ymanne vinde waerleke daer om salmen de bruet ons heren met groten rechte werdegen ende eren.

Vorige Volgende