Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[9] hoe dat si contempleerde gods anscijn na dien dat steet ind boec der gesteleker minne Haer ureghd eens een har gesteleke vrient di har was heymeleke 265[regelnummer] widenech dat xpistoc anscijn ware dat si plach te siene clare. Doen andwerdde heme de werde lutgart stappans sprac si so oppenbard mi, een onvertreckelec clere blic 270[regelnummer] ende mettier groeter claerheit sie ic ene onsprekelec scoenheit daer bi der glorificacien ihesu cristi dat ic in desen leuene nyet en conste geliden en twinteken yet 275[regelnummer] en ware dat si allinselinghe van minen scouwene verde ende ginge. De gene died sach hi seide dat si so grote tranen de maget vri plach te sturtene te meneger stonden 280[regelnummer] dat si hen onthouden nyen conden died sagen sijn moesten met har wenen
[Folio 87r]
als hadden si herten gehad uan stenen. Twe iaer uoer dien dat sinte lutgard van ertrike scied quam bru^oder bernard 285[regelnummer] the hauwiers int cloester al ouer waer ende vant dat si gelegen had daer siec een maent ende alletene bereidde si hare als ocht si henen varen soude van ertrike tehant 290[regelnummer] dat hi se oec gheolijd vant. want om dat si so vtnemende sere begerde the scouwene onsen here so viel haer in haren sin dat si the gode soud varen de maget vri 295[regelnummer] ende dat si soude uan ertrike sceden ende ginc har daer toe sere bereden. Doen quam bru^oder bernard al daer ende en wart aen haer gewaer teken en geen van eneger doed 300[regelnummer] maer hi mercte wel dat groet the steruene was haer begeringe. Doen sprac hi toet haer cortelinge. moeder mi en dunct nyet twaren dat ghi van ertrike nv selt uaren
[Folio 87v]
305[regelnummer] Doen wedersloech sine met dru^oeue anscine ende seide soene dit es mi groet pine dat ic dees waerd moet horen van v want ic seer beghere nv gode met ontecten anscine 310[regelnummer] the scouwenne ende met hem the sine. Doen seid hi al lachgende dan sal nv mijn lieue moeder ghescien nyet v Doen hiefse haer ogen op mettyen ende sprac. en machs mi nv nyet gescien 315[regelnummer] so moet gescien sijn heilege wille jc wil dan swigen al stoc stille morgen wil ic dan op staen van minen bedde ende wille ontfaen den heilegen lichame gods ons heren 320[regelnummer] mi the troeste ende hem the eren.

Vorige Volgende