Leven van Sinte Lutgart

[31] van enen die meshoept was dat hi op har groet clerheit sach ende dar af was hi ghestert..

Et was oec een ander man
die harde sere meshoept was van
sunden die hi hadde ghewracht
die daer om toet haer was bracht
dat hi van haer soud troest ontfaen
als hi met haer spreke, ende saen
als hi hoerde haer suete waert
so sach hi bouen haer tervaert
een onvertellec claerheit, die so
groet was, dat hi wart so vro
dat hi hoepte dat hi siere
r sunden, quite soud werdden sciere