Leven van Sinte Lutgart

[30] Wie vere sybillen gheandwerd was.

Eens was si siec de werde lutgart
ende van crancheiden seer beswaert
dat haer van gagis ver sibille
lieflec diendde met vrien wille
alsi oec dede altoes sint
dat si ind dordene quam een kint
maer doch so brachtse doen daer toe
een quaet geest jn weet nyet hoe
dat si vermu^oed was van arbeide
ende toet haer seluen jnt herte seide.
Diende mijn moeder ymanne yet
doen si leefde, neen si nyet.
soen betemet mi nyet wale
dat ic mi onder werpe themale.
Daer na opten seluen nacht

[fol. 65v]

 

dat sijt hadde int herte ghedacht

 

hoerde si een stymme met beide

 

haren oren, die alsus seide

1425

jn quam nyet dat men mi soud dienen

 

maer ic quam dienen dies verdienen

 

al si dat hoerde van onsen here

 

berespte si haer seluen sere

 

ende diende haer uoerwert willechleke

1430

met groter genuechten ende blideleke