Geestigh liedt-boecxken

[p. 50]

Van Besje met Lijsje heur dienst-Meyt.

Stem:
Ach ongheluckighen dach!
Die 'k wel belaghen mach, &c.

L.

Hoort hier iens Bestemoer!
'L.
Hoort hier iens Bestemoer!
Hoe ick by Hansje voer,
Die mijn wel ier sen trouwe swoer,
En met sen tongh so heeft vedooft,
Dat ick van sinnen schyn berooft.

[p. 51]

 

B.

 

2 Lijsje! weet jy noch niet,

 

Dat dit altoos gheschiet

 

Van die hier milst sen dienst aenbiet?

 

Liert Lijsje, liertme lieve kijnt,

 

Dat woorden zijn niet nier as wijnt.

 

 

 

3 Veul sijn vient met de praat,

 

Of met een schoon gelaat,

 

Mar weynich zijnder inder daat:

 

Deynckt, as heur jonst so haest verdwijnt.

 

Dat woorden sijn niet mier as wijnt.

 

 

 

4 Wie dat hier licht vertrouwt,

 

Doet haest dat hem berouwt:

 

Siet Lijsje, datje dit onthouwt,

 

As jy u by de praters vijnt,

[p. 52]

 

Dat woorden sijn niet mier as wijnt.

 

 

 

L.

 

5. Die ick niet wel en wil,

 

Daer teughen swijgh ick stil:

 

Maer hy swoer dat 'k hum wel bevil,

 

En blies-men so veul in men hooft,

 

Dat ick van sinnen schijn berooft.

 

 

 

6. Veul lichter dan het stof

 

Gaen hem de woorden of:

 

Al sijn sy schoon vol gunst, en lof:

 

Ick selt gedeyncken, hoe hy 't pijnt,

 

Dat woorden sijn niet mier as wijnt.

 

 

 

B.

 

7. Zo doeje assen meyt

 

Ier iemet jou verleyt,

 

So looft niet altoos watmen seyt:

[p. 53]

 

Mar deynckt, as hum een knecht verbynt,

 

Dat woorden sijn niet mier as wijnt.

 

 

 

8. Al waertje beste vrient

 

Die mier spreeckt as hy mient,

 

Jou hart noch ooren nimmer lient:

 

Hoe degelijck dat Hansje schijnt,

 

Deynckt woorden sijn niet mier as wijnt.

 

 

 

I.

 

9. Besjen, ick segghet jou,

 

Men vynt by Man en Vrouw

 

(Godt betert) al te luttel Trouw,

 

't Is miest geveynstheyt, ick bevynt

 

Dat woorden sijn niet mier as wijnt.