Lustighe Amoreuse Refereynen

elck met een Liedeken daer op accorderende, seer gheneuchlick ende recreatijf

[p. 51v]

Die Autheur.

H ebt dit in danck Mercurius scholieren,, al
E n siet niet nauwe al heb ick ghemist,
N oyt Meester so goet die niet falgieren,, sal
R eyne te wercken sonder arghelist,
I s seer quaet om doene, hier wel op ghist,
C onstenaer hoe groot hem dicwils abuseert,
K on Iupiter oyt ghedoen dat hy sonder twist
V an alle menschen wert ghedient en gheeert?
A ch neen hy, so ons die Poëte leert,
N och en sal dan dit oock elcken niet gheneughen,
B idde u al wert het van schimpers gheblameert
O ntfanghet in danck, het sal my verheughen,
C ost ickt beter, ick souder my toe veughen,
S iet doch jonste, voor conste ghepresen,
T oont alle heusheyt so ghy sout meughen,
E n acht geen fauten, dier in zijn gheresen,
L aet u mijn goetwillich hert ghenoech wesen.

     Pas à pas.

     Voet voor voet.