Mestreechter leedsjes-cahier. Nommer 3

(1990)–They Bovens– rechtenstatus



[pagina 10]
De Pisbak Gediech vaan P.C.d.B. bij 't aofbreke vaan d'n awwe pisbak oppe Merret in 1927 Meziek vaan Pierre Meertens. Op de merret stoont 'n huiske in 't midde, gans allein. Iezere plate mèt 'n deekske en vaan binne twie blauw stein. litsom listom falderalderieje, litsom litsom falderaldera, iez're plate mèt 'n deekske en vaan binne twie blauw stein.
[pagina 11]
Aon de veuj laog dèks 'n huipke wat dao neet waor ingewejd. Meh door eine dee neet wachde stiekemkes deneer gedrejd. En de loch waor neet te ruke Nein! die waor neet altied veers Zeker neet es zjus e mooswief dao zoeget had neergepeers. Meh noe weurd 't aofgebroke en me weurd 't huiske kwiet Oondergroons goon ze 't make nao de eise vaan d'n tied. En de cafe's vaan de merret höbbe vreiselek 't land. Veur 'n dröpke góng me pisse in de Ruiter of bij Brand. En de zaak zal deftig weure urinoire mèt closèt. Wel kos 't verdomd väöl duite laos iech lès in de gezèt. Al dat geld vaan eus belasting B. en W., tot euze spiet höbbe veer Mestreechtenere nondezjouw daan zoeväöl sjiet? Op de merret stoont 'n huiske in 't midde, gans allein Iezere plate mèt 'n deekske en vaan binne twie blauw stein.