Mestreechter leedsjes-cahier. Nommer 2

(1989)–They Bovens– rechtenstatus



[pagina 47]
De wèl verspers. Dao waor 'ns'n kooj, meh dat waor gein kooj, dat waor Herodes' tempel, en dee 't neet geluive wèlt, is gek of simpel. En die kooj die had veer pu, meh dat waore gein pu, dat waore de pilere vaan Herodes' tempel, en dee 't neet geluive wèlt, is gek of simpel. En die kooj die had 'n moul, meh dat waor gein moul, dat waor d'n ingaank vaan Herodes' tempel, en dee 't neet geluive wèlt, is gek of simpel. En die kooj die had 'n tóng, meh dat waor gein tóng, dat waor de luiper vaan Herodes' tempel, en dee 't neet geluive wèlt, is gek of simpel. En die kooj die had 'nen ujer, meh dat waor geinen ujer, dat waor de wiewatersbak vaan Herodes' tempel, en dee 't neet geluive wèlt, is gek of simpel.
[pagina 48]
En die kooj die had 'ne start, meh dat waor geine start dat waor de wiewaterskwas vaan Herodes' tempel en dee 't neet geluive wèlt, is gek of simpel. En die kooj die had twie heures, meh dat waore gein heures dat waore de tores vaan Herodes' tempel en dee 't neet geluive wèlt, is gek of simpel. En die kooj die had e gaat, meh dat waor gei gaat dat waor d'n oetgaank vaan Herodes' tempel en dee 't neet geluive wèlt, is gek of simpel. En d'n haon zóng vaan kling-klang-kloria Ora pro nobis.