Mestreechter leedsjes-cahier. Nommer 2

[p. 42]

Op kawwe wintermörrege.

Op kawwe wintermörrege,
dee kaom nao bange nach.
waos 't kribbeke vol zörrege,
veur 't Kinneke lang verwach.
En hiemels meziek,
maak 't Moojerke riek,
al is 't in 't stelke ouch errem.
Want ingelezaank,
bringk, hiemelse klaank,
en deit 't zoe sjoen zien en werrem.

Selvruike zit te kieke,
nao 't wiechske op 're sjoet,
en veult ziech ao zoe rieke,
al is in de stal väöl noed.

[p. 43]

 

Want werelse prach

 

is nog neet dao gebrach

 

meh al is ouch 't Moojerke errem

 

Toch wèt ze häör Keend

 

al is't beter geweend

 

te dèkke ermeujeteg, meh werrem.

 

 

 

Sint Joezep zit te beie

 

en kiek op 't kinneke neer,

 

dat hei zoe väöl moot leie

 

meh bringk de vrei us weer.

 

En herderkes zien

 

in sjeem 'rege sjien

 

vaan e keerske klei Zjezeke errem.

 

Dat lach hun noe touw

 

en dat maak Selvrouw

 

't Moojerke, 't hart, ao zoe werrem.

Teks en melodie vaan Harie Loontjens

Pianobegeleiding vaan Jim Shepherd. (1927)