Gemmarum et lapidum historia

De lapide Iudaico. Cap. CCXXVI.

IVdaicus lapis oliuae specie subrotundus, tener & friabilis est, striis secundum longitudinem discurrentibus & aequidistantibus ac si arte factae essent.

[p. 201]

Colore est albo aut subcinereo. Ab Aetio lapis Syriacus, ab aliis Phenicites, Pyrene vel Eurrheus, à Plinio Tecolithos vocatur, quasi lapidem frangens aut liquefaciens.⁺ Tritus enim aut aqua calida exhibitus difficultati vrinae medetur, ac calculos vesicae & renum rumpit. ⁺Aliqui sexum distinguunt, & minores foeminas, ad vesicae lapidem fundendum vtiles, maiores masculos, inter quos aliqui sunt longiores minimi digiti quantitate ad renum lapidem expellendum commodi, arbitrantur. Reperitur in Iudaea & Silesia.

+ Phenicites, Pyrene, Eurrheus, Tecolithus.

+ Ad calculum.