De Enorchi. Cap. CCIII.
ROtundus est hic lapis vt Geodes, cuius species vt Enhydros statui potest. Oui columbini plerunque est magnitudine, Germanicè hodenstein vocatur, quia lapis in illo inclusus testium videtur habere formam, à qua Graecum nomen illi datum est.
Interior lapis ita adhaeret exteriori concauo, vt vitellum oui cocti absque spacio intermedio albumini. Inueni hunc lapidem prope Pragam Bohemiae. exterior eius pars terrae cinereae habet colorem. Interior nec fulget nec nitet, variisque & obscuris coloribus sordescit.
Auteursrechtvrij