Dignitas, valor & precium aetitis. Cap. CXCIX.
ORientalis quem primi generis statui, ac in aquilae nido inuenitur, à generosis & nobilioribus foeminis magni fit ob singularem ad partum promouendum facultatem, ita vt aliquando decem etiam viginti thaleris si grandiusculus & armeniaci mali magnitudinem habeat vendatur. Germanici viliores sunt, plerunque tamen si pulli & ferruginei coloris sint ac non adeo scabri, singuli thalero vno aut duobus veneunt, etiam pluris si magni fuerint.
Auteursrechtvrij