Gemmarum et lapidum historia

De lapide Porcino. Cap. CLXXX.

IN regione Pan prope Malacam reperitur lapis in felle porci maiorumque est virium quam Bezoar. Colorem habet rubeum, dilutum, ac saporem amarum, tactuque refert saponem gallicum. ⁺Ad venena valet ad quae profliganda maceratur in poculo aquae satis diu, postea eximitur, ac aqua quae redditur amara propinatur, expellit siquidem omne venenum, vt saepius probatum est. Indi vocant mastica de soho, id est lapis porcinus.

+ Ad venena opt.