De Corallis. Cap. CLII.
HActenus de omnibus gemmis vel lapidibus qui annulis, auro vel argento includuntur & ad luxum gestantur, me egisse existimo, nunc de caeteris ac iis qui pro lapidibus gestantur, ac gemmis vel lapidibus preciosis comparantur, agendum est. Inter hos primum dignitate & authoritate locum fere obtinent coralli qui virginum & muliercularum brachia exornant. Est autem corallium frutex sub aqua marina viridis, baccas habens similes cornis specie & magnitudine frutex coralli è mari extractus lapidescere dicitur; ob quam causam à nonnullis Lithodendron & Dentritis à Plinio vocatur, aliis Gorgonii nomen habet, Europei Latinum nomen retinent.
Auteursrechtvrij